AB Group restoran xoldingi hamda Sibir federal universiteti (SFU) Gastronomiya instituti vakillaridan iborat delegatsiya Farg‘ona viloyatiga tashrif buyurdi 22.05.2026 16:56AB Group restoran xoldingi hamda Rossiyaning Krasnoyarsk shahridagi Sibir federal universiteti (SFU) Gastronomiya instituti vakillaridan iborat delegatsiya Farg‘ona viloyatiga tashrif buyurdi.
Mazkur tashrif “O‘zbekiston gastronomik xaritasi” xalqaro ekspeditsiyasi doirasida amalga oshirilmoqda. Loyihaning asosiy maqsadi — O‘zbekistonning boy gastronomik merosi, milliy taomlari va hududlarga xos oshxona madaniyatini xalqaro miqyosda targ‘ib qilishdan iborat.
Ekspeditsiya davomida mehmonlar Farg‘ona vodiysining milliy taomlari, mahalliy bozorlari, oilaviy oshxonalari, choyxonalari va hunarmandchilik an’analari bilan yaqindan tanishmoqda.
Mazkur ekspeditsiya O‘zbekiston va Rossiya o‘rtasidagi madaniy hamda turistik aloqalarni yanada mustahkamlash, shuningdek Farg‘ona viloyatining gastronomik turizm salohiyatini keng targ‘ib qilishga xizmat qiladi.
@ferghanatourism
