Avval xabar berganimizdek, bir necha kundan buyon viloyat ishchi guruhi O‘zbekiston Respublikasi Vazirlar Mahkamasining 2022 yil 27-apreldagi hamda Farg‘ona viloyati hokimligining 2022-yil 23-maydagi farmoyishlari ijrosini ta‘minlash maqsadida viloyatdagi Turizm namoyishi obyektlarining sanitariya-gigiyena shoxobchalari o‘rganilmoqda.
Shu kunga qadar 500 dan ortiq obyektlar ko‘zdan kechirildi. Afsuski, joylardagi ahvolni ko‘ngildagidek deb bo‘lmaydi. O‘rganish obyektlari orasida aholi gavjum joylar, bozorlar, madaniy meros obyektlari, ziyoratgohlar, madaniyat va istirohat bog‘lari hamda yoqilg‘i shoxobchalari ham bor.
Joriy yil 18-20-iyul kunlari o‘tkazilgan o‘rganishlarda 100dan ortiq obyektlar ko‘zdan kechirildi. Unga ko‘ra Margʻilon shahar “Soy bo‘yi” MFYidagi “AZS-METAN”, Fargʻona shahridagi “Oʻzbekneftgaz” “Markaziy metan” “Chekshoʻra metan”, Rishton tumani Toʻda MFYdagi “Qora oltin 1980” XK va AYOQSh, “Forish metan gaz” “Qalaynav metan”, Bogʻdod tumani “Shoʻroqyer” MFYdagi AYOQSH, “Mashhurbek” MChJga qarashli AYOQSH “Yangihayot 2” MFYdagi AYOQSH, Uchkoʻprik tumani Yoyilma MFYdagi “Fayzmetan” MCHJ, “Kenаgas” MFYdagi “Oʻzlari” XK, “Bekobod” MFYdagi “Damir oyil kemping” AYOQSH, Qoʻqon shahardagi “Rekord trans metan” “Navoyi” MFYdagi “Fayzli savdo” AYOQSH, “Davronbek 5” MFYdagi, “Kofila” MCHJga qarashli AYOQSHda amalga oshiriladigan ishlar ko‘p ekanligi ma’lum bo‘ldi. Aslida bu ishlarni bajarib qo‘yish o‘zimizning kundalik hayot normamizga aylanmog‘i kerak. Biroq amalda buning aksini ko‘ryapmiz.
