O‘zbekiston Respublikasi Vazirlar Mahkamasining 2025-yil 18-dekabrdagi 799-sonli qarori ijrosini ta’minlash maqsadida Farg‘ona viloyatida izchil chora-tadbirlar amalga oshirilmoqda.
Mazkur qarorning 4-bandiga muvofiq, Sanitariya-epidemiologik osoyishtalik va jamoat salomatligi boshqarmasi, Turizm boshqarmasi, Farg‘ona viloyati teleradiokompaniyasi hamda tegishli tashkilotlar bilan hamkorlikda qarorning mazmun-mohiyati va ahamiyatini aholi o‘rtasida keng targ‘ib qilish, sanitariya madaniyatini oshirish va jamoat joylarida tozalikni ta’minlash bo‘yicha tushuntirish ishlari olib borildi.
Xususan, Farg‘ona viloyati hududiy ishchi guruhi tomonidan:
- turistlar tashrif buyuradigan obyektlar,
- aholi gavjum joylar,
- bozorlar, vokzallar va umumiy ovqatlanish shoxobchalari, viloyatlararo avtomobil yo‘llari bo‘yidagi jamoat hojatxonalarining sanitariya-gigiyena holati ko‘zdan kechirildi va tegishli tavsiyalar berildi.
O‘rganishlar davomida aniqlangan kamchiliklarni bartaraf etish yuzasidan hududiy mas’ullarga tegishli ko‘rsatma va tavsiyalar berildi, sanitariya qoidalari, normalari va gigiyena talablariga rioya etilishini ta’minlash bo‘yicha amaliy choralar belgilandi.
Ushbu tadbirlar aholiga va sayyohlarga qulay, toza va xavfsiz muhit yaratish, shuningdek, viloyatning turizm jozibadorligini oshirishga xizmat qilmoqda.
