O‘zbek tilini o‘rgatuvchi bepul kurslar tashkil etildi 23.09.2024 11:42
Mamalakatimizda istiqomat qiluvchi barcha millat va elatlar vakillariga davlat tilini o‘rganish uchun qulay shart-sharoitlar yaratib berish maqsadida Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazida o‘zbek tilini o‘rganuvchilar uchun bepul “O‘zbek tili” kurslari tashkil etildi.
O‘quv mashg‘ulotlari uchun hech qanday to‘lovlar talab qilinmaydi. O‘quv kursining afzalligi:
- jonli muloqot, an’anaviy darslar;
- 10-12 nafarli kichik guruhlar;
- 144 soatga mo‘ljallangan maxsus o‘quv dasturi;
- barcha qulayliklarga ega zamonaviy o‘quv xonalari;
- malakali mutaxassislarning qiziqarli darslari;
- darajali sertifikat.
