O’zbekiston Respublikasi Prezidentining 2020 yil 19 iyun kungi “Turizm sohasini sanitariya-epidemiologik xavfsizlikning kuchaytirilgan rejim talablariga doir qo’shimcha chora-tadbirlar” to’g’risidagi Qarori hamda 2020 yil 25 may kungi “Koronavirus pandemiyasining salbiy ta’sirini kamaytirish uchun turizm sohasini qo’llab-quvvatlashga doir kechiktirib bo’lmaydigan chora-tadbirlar” to’g’risidagi Farmoni bo’yicha viloyat hokimligining majlisi bo’lib o’tdi.
Bunda viloyat, shahar va tumanlar hokimlarining iqtisodiyot va tadbirkorlik masalalari bo’yicha birinchi o’rinbosarlari, yoshlar siyosati, ijtimoiy rivojlantirish va ma’naviy-ma’rifiy ishlar bo’yicha o’rinbosarlari, mahalla va oilani qo’llab-quvvatlash bo’yicha o’rinbosarlari, shuningdek, viloyat tijorat banklari rahbarlari va mutasaddi tashilotlar ishtirok etishdi.
Majlis koronavirus pandemiyasining salbiy ta’siri oqibatida eng ko’p zarar ko’rgan turizm hamda unga bevosita bog’liq bo’lgan tarmoqlarni va mazkur sohada faoliyat olib borayotgan tadbirkorlarni qo’llab-quvvatlash, shuningdek, mamlakatda sanotariya-epidemiologik vaziyat yaxshilanishiga qarab viloyatda turizmni jadal qayta tiklash bo’yicha olib boriladigan chora-tadbirlar masalalari ko’rib chiqildi.
Shuningdek, viloyat Turizmni rivojlantirish hududiy boshqarmasi mutaxassislari tomonidan farmon va qarorga asosan, tadbirkorlar uchun belgilangan subsidiya ajratish tartibi va ssuda olishga ariza berish tartiblarining mazmun-mohiyati bilan tanishtirildi.
