Ta’kidlash joizki, shu yilning 4-5 oktyabr kunlari Farg‘ ona viloyati hokimi o‘rinbosari Xurshid Ahmedov boshchiligidagi journalist-blogerlar, tur operatorlar hamrohligida info-tur tashkil etilgan edi. Bu tadbir samarasi o‘laroq 9-noyabr kuni O‘zbekiston Respublikasining Qozog‘istondagi Elchixonasi, Olmaotadagi bosh konsulligi, Farg‘ona viloyati Turizm va madaniy meros boshqarmasi tashabbusi va “O‘zbekiston eksportchilari” uyushmasi Farg‘ona viloyat boshqarmasi hamkorligida “DILRABO TRAVEL” sayyohlik kompaniyasi tomonidan Qozog‘istonning Olmaota shahrida O‘zbekistonning turizm salohiyatini namoyish etish maqsadida taqdimot o‘tkazildi.
Ushbu anjumanda, Olmaota viloyatidagi eng yirik turizm kompaniyalari ishtirok etdi va O‘zbekistonning sayyohlik salohiyati, ziyorat, biznes, tibbiyot turizmi yo‘nalishlarida maʼlumotlar berildi.
Uchrashuvlar yakunida “DILRABO TRAVEL” sayyohlik kompaniyasi hamda Qozog‘istonning "TOO TUMAR-TRAVEL" sayyohlik kompaniyasi o‘rtasida ikki mamlakat tadbirkorlari uchun biznes turlar tashkil qilish bo‘yicha qiymati 12 million dollar bo‘lgan shartnoma imzolandi.
Shuningdek, ikki sayyohlik kompaniyasi O‘zbekiston va Qozog‘istonda bo‘lib o‘tadigan biznes uchrashuvlar, sayyohlik ko‘rgazma va yarmarkalarida faol ishtirok etish, o‘zaro info-turlar uyushtirish yuzasidan ham kelishuvlarga erishdi.
