Home \ Yangiliklar \ 2022-yil O'zbekiston Respublikasi Mustaqilligining 31 yilligi munosabati bilan Farg'ona viloyati bo'ylab ichki turizm sayohat DASTURI

2022-yil O'zbekiston Respublikasi Mustaqilligining 31 yilligi munosabati bilan Farg'ona viloyati bo'ylab ichki turizm sayohat DASTURI

« Back

2022-yil O'zbekiston Respublikasi Mustaqilligining 31 yilligi munosabati bilan Farg'ona viloyati bo'ylab ichki turizm sayohat DASTURI 31.08.2022 16:58

Фарғона бўйлаб саёҳат

ДАСТУРИ

 

Маршрут: Фарғона вилояти бўйлаб

Давомийлиги: 2 кун

Транспорт: Саёҳатчилар самолёт, поезд ёки енгил автомобиль орқали ташриф буюрушлари мумкин.

Вилоят ичидаги экускурсия учун транспорт: Автобус

Жойлаштириш объекти: Меҳмонхона

 

Қисқача мазмуни: 2-кунлик сайёҳат дастури давомида, Фарғона шаҳрида жойлашган музей, тарихий бинолар, винотуризм объекти, Қувасой шаҳрининг от спорт мажмуи, Марғилон шаҳрининг ипакчилик корхонаси ва маданий мерос объектлари, Риштон туманининг кулолчилик санъати, Учкўприк туманида жойлашган эко ва агротуризм объекти ҳамда Қўқон шаҳрининг тарихий обидаларига сайёҳатлар уюштирилади.

 

1-кун

Давомийлиги

Объект

1

35 дақиқа -

5 соат -

- Самолёт орқали: Фарғона шаҳрига етиб келиш

-Поезд орқали: Марғилон шаҳрига етиб келиш

(Меҳмонлар танлаган транспортига қараб Марғилон ёки Фарғона шаҳрида кутиб олинади)

2

30 дақиқа

Меҳмонларни меҳмонхонага жойлаштириш
(жойи аниқлаштирилади)

3

1 соат

Нонушта (жойи аниқлаштирилади)

4

 

Фарғона шаҳри

5

40 дақиқа

Фарғона вилоят тарихи ва маданияти давлат музейига экскурсия. Фарғона шаҳрида жойлашган ушбу музей Ўзбекистоннинг энг қадимий музейларидан бири деб ҳисобланади. Музейнинг тарих,табиат,илмий, маърифи, санъат ҳамда хазина бўлимлари бор. Музей ўлка табиати ва қадимдан 20-аср бошларигача бўлган тарихини ўзида акс эттирган доимий экспозиция (археологик топилмалар, амалий санъат намуналари, санъат асарлари ва б.)га эга.

 

6

25 дақиқа (транспорт воситасидан тушмаган ҳола экскурсия)

Картинки по запросу "фергана"Фарғона шаҳрининг маданий мерос объектлари бўйлаб экскурсия.

 

Фарғона шаҳрида жойлашган бир қанча маданий мерос объектлари, жумладан генерал Скоболев уйи, Зобитлар уйи, гиманизия, Ал-Фарғоний мажмуи каби объектларга экскурсия ташкил этилади

7

1 соат

Wine Gardenвино туризм объектида экскурсия.

 

Вино ва агротуризм объекти Wine Garden мажмуи узум плантайияси, вилла, вино ишлаб чиқариш заводи ва ресторани мавжуд.

 

8

20 дақиқа

Қувасой шаҳрига етиб бориш

9

1 соат

“Водий тулпорлари” от-спорт мажмуи: Фарғона вилояти Қувасой шаҳрида ҳар томонлама муҳташам, миллий қорабайир наслли отларни кўпайтириш ва боқиш учун мўлжалланган ушбу комплексда асосан ҳарбийлар ва “Ватанпарвар” тизими ҳодимлари учун отлар тайёрланади. Мажмуа 2,5 гектар майдонда жойлашган. Бу ерда замонавий дренаж тизимига эга очиқ ва ёпиқ манежлар бўйлаб сайир қилиш имконяти мавжуд.

 

10

1 соат

Тушлик (жойи аниқланади)

11

20 дақиқа

Марғилон шаҳрига етиб бориш

12

1 соат

Марғилон ҳунармандчилик маркази:

Марғилон шаҳри Ўзбекистоннинг энг қадимий шаҳарларидан бири деб ҳисобланади. У Буюк Ипак йўлининг марказий шаҳарларидан бири бўлиб, бу ер ўзининг ипакчилик санъати билан дунёга машхур. Марғилонда хозирги давргача ипакни қўлда тайёрлаш усули сақланиб келган ягона корхона “Ёдгорлик” корхонаси саёҳатчиларни ипакчилик маҳсулотлари, шунингдек ўзбек миллий матолари атлас ва адрасларнинг тайёрланиш жараёни билан ўзига жалб қилиб келмоқда. Шунингдек бу ерда саёҳатчилар учун барча шароитлар мавжуд бўлиб экскурсия сўнгида ўзбеки миллий матолар ва либослар шоу-руми такил этилган.

13

30 дақиқа

 Пури Сиддиқ зиёратгохи.

 XVIII аср ўрталарида қурилган. Уни Ҳазрат Абу Бакр Сиддиқ, (р.а.) номлари билан боғлайдилар. Бухоро амири Субҳонқулихон (1680-1702 йй) томонидан Марғилондаги Пур Сиддиқ мозорига берилган вақфномада Пур Сиддиқ зиёратгоҳида Мовароуннаҳрда “Чаҳорёрлар” деб аталган тўрт халифадан биринчиси Абу Бакр Сиддиқ (572-634 йй)нинг авлоди дафн этилган, деган маълумотлар келтирилган. Ёзма хужжатларда Ҳазрат Пур Сиддиқ номи билан қайд этилган.

 

14

30 дақиқа

Увайсий уй музейи. Шарқнинг мумтоз шоираси Жаҳон отин Увайсий таҳминан 1789-1790 йилларда Марғилоннинг Чилдухтарон (Қирқ қизлар) маҳалласида дунёга келган. Отаси Сиддиқ бобо адабиётдан хабардор бўлиб, форс-тожик тилларида шеърлар ёзган. Онаси Чинни биби саводли аёл бўлиб, мактабдорлик қилган. Увайсийнинг 15 минг мисрадан зиёд ғазалларини ўзида жамлаган “Девон”, “Шаҳзода Ҳасан” достони, “Воқеоти Муҳаммадалихон” номли асарлари бизгача етиб келган. Шоира таҳминан 1850 йилларда вафот этган.

 

15

20 дақиқа

Бурхониддин Ал-Марғиноний мажмуаси.

Бурҳониддин ал-Марғиноний (1123-1197йй) ҳазратлари 9 ёшларида боболари Абу Ҳафз Умар аз- Зандрамаший билан Марғилонга келадилар ва Пур Сиддиқ мадрасасида 13 йил таълим олганлар. Жаҳон ҳуқуқшунослигида катта ўрин эгаллаган, араб-мусулмон дунёси ҳуқуқчилиги тизими-шариатни юксак даражасидаги мукаммаликка етказган улуғ бобомиз “Бурҳон-уд-дин” яъни “Ислом ва шариатнинг рад қилиб бўлмайдиган мутлоқ исботи” фахрий унвони соҳиби Абу-л Ҳасан Али Абу Бакр ибн Абу-л Жалил ал-Фарғоний ар-Риштоний ал-Марғинонийдирлар.Алломанинг ислом фикҳига оид 10 та асаридан 6 таси бизгача етиб келган.

Меҳмонхонага қайтиш

 

 

 

2-кун

16

1 соат

Риштон туманига йўлга чиқиш

17

1 соат

Халқаро кулолчилик маркази бўйлаб экскурсия.

Риштон туманининг марказий кўчаларидан бирида жойлашган кулолчилик маркази мамлакатда ягона Халқаро кулолчилик маркази деб эътироф этилади. Мазкур марказда Риштон туманинг маҳоратли ва машҳур кулолларнинг кулолчилик устахоналари, намойиш жойлари жойлашган бўлиб, у ерда меҳмонларни жойлаштириш имконияти ҳам мавжуд.

18

40 дақиқа

Учкўприк тумани етиб бориш

19

1 соат

“Меҳригиё” эко ва агротуризм маскани.

Меҳригиё ҳусусий корхонасига 1992 йил асосос солинган

Субтропик, тропик мевалар ва шифобахш ўсимликлар етиштирилади. Ушбу масканда сайёҳлар учун қулай шароитлар яратилган бўлиб, сайёҳларга турли плантацияларга экскурсия ташкилланади ва шифобахш чойлар дегустацияси ва ароматерапия ташкилланади.

 

20

15 дақиқа

Қўқон шаҳрига етиб бориш

21

1 соат

Тушлик (жойи аниқланади)

22

40 дақиқа

Худоёрхон ўрдаси.

XIX асрнинг муаззам ва муҳташам обидаларидан бўлмиш Худоёрхон ўрдаси Туркистон заминида мавжуд учта сарой иншоотидан биридир. Қўқон хонлиги даврида (1709 – 1876 йй.) хонлар томонидан олти марта Ўрда (сарой) қурдирилган. Замона зайли билан улар вайрон бўлиб, фақат охирги ўрда – Худоёрхон ўрдасининг кичик бир қисмигина сақланиб қолди.

 

23

20 дақиқа

Норбўтабек мадрасаси. Мадраса 1799 йилда Қўқон хони Норбўтабий томонидан қурдирилган. Мадраса ҳовлиси 40 та хужра билан ўраб олинган. «Мадраса» атамаси «дарс» (сабоқ) ўзагидан ясалган бўлиб, «дарс ўтиладиган жой» маъносини англатади. Мадраса иншоотлари, дарсхоналар, хўжалик бинолари, масжид, тахоратхона ҳамда толиби илмлар истиқомат қиладиган хужралардан иборат бўлган. Мадрасада асосан диний, қисман дунёвий илмлар, араб, форс тиллари ўқитилган.

 

24

30 дақиқа

Жомеъ масжиди минораси.

Қўқон хони Умархон томонидан 1812 йилда қурилиши бошланган. Масжид қурилиши 1818 йилда ниҳоясига етган. Жомеъ масжиди қурилишининг илк тарихи Хўқанд хони Саййид Муҳаммад Олимхон номлари билан боғлиқ. Олимхон даври (1798 – 1810 йй.) га келиб шаҳар Жомеъ масжиди жуда эскириб, нуфузи ўсиб келаётган аҳоли учун торлик қилиб қолган эди. Олимхоннинг укалари Саид Муҳаммад Умархон (1810 – 1822 йй.) хос ерлари (давлат тасарруфида бўлмаган хусусий мулклари) дан бир қисмини бўлажак масжид учун вақф мулкига айлантирадилар.

 

25

20 дақиқа

Дастурхончи мадрасаси. Мадраса 1833 йилда машҳур давлат арбоби Махмуд дастурхончи Муҳаммад Жаноқи ўғиллари томонидан қурдирилган. Мадраса биноси қўш ҳовли услубида қурилган. Мадраса ҳижрий 1249 (милодий 1833) йилда машҳур давлат арбоби Маҳмуд Дастурхончи Муҳаммад Жаноқи ўғли томонидан қурдирилган. Дастурхончи мансаби олий мансаблардан бўлиб, Оврупо мамлакатларидаги сарой вазири вазифасига тўғри келади. Ушбу мадрасада 2019 йил Қўқон шаҳрида бўлиб ўтган “Халқаро ҳунармандлар” фестивалига қайта реконстркция ишлари олиб борилган.

 

26

1 соат

30 дақиқа

Меҳмонхонага қайтиш (автобус орқали)

27

1 соат

Кечги овқат (жойи аниқлаштирилади)

 


Aloqalarimiz
Manzili:
150100 г. Farg'ona sh, Alisher Navoiy k-si, 17 A-uy. Tel., +998732441440, +998732444914