Joriy yilning 8-10-oktabr kunlari O‘zbekiston mehmonxonalar uyushmasi tomonidan Turizm qo‘mitasi ko‘magida “HoReCa Expo Uzbekistan 2024” xalqaro ko‘rgazmasi tashkil etiladi.
HoReCa Expo Uzbekistan – mehmondoʻstlik sohasidagi soʻnggi yutuqlarni namoyish etish, ishbilarmonlik aloqalarini oʻrnatish va yangi hamkorlar topish uchun noyob platformadir. Ko‘rgazmada O‘zbekiston va xorijiy mamlakatlar mehmonxona va restoran biznesining yetakchi vakillari, turizm va mehmondo‘stlik sohasi mutaxassislari ishtirok etadi.
“HoReCa Expo Uzbekistan 2024” xalqaro koʻrgazmasi doirasida mehmondoʻstlik sanoati uchun tovarlar va xizmatlar koʻrgazmasi, konferentsiyalar, seminarlar va mahorat darslari kiritilgan biznes dasturi, oshpazlar, barmenlar va boshqa mutaxassislar oʻrtasida professional musobaqalar, jahon oshxonasi festivali bo‘lib o‘tadi.
Barchani “HoReCa Expo Uzbekistan 2024” xalqaro koʻrgazmasida ishtirok etishga taklif qilamiz.
Batafsil ma’lumot:
• Oʻtkazilish joyi: “O‘zekspomarkaz” AJ hududida, 1-paviloni
• Ro‘yhatdan o‘tish uchun: https://www.hoteliers.uz/registration
• Telefon: +998 97 144-48-46 / +998 97 144-48-47
