"Turizm mutaxassislari bilan yoshlar uchrashuvi" bo‘lib o‘tdi 07.01.2025 16:20
Farg‘ona shahridagi Tadbirkorlar uyida Farg‘ona viloyati Turizm boshqarmasi tomonidan tashkil etilgan "Turizm mutaxassislari bilan yoshlar uchrashuvi" bo‘lib o‘tdi.
Turizm sohasiga qiziqish bildirgan faol yoshlarga turizm sohasida amalga oshirilayotgan islohotlar, xususan, respublika va Farg‘ona viloyatining turistik salohiyatini ichki va tashqi bozorlarda targ‘ib qilish yo‘nalishlari, turizm yo‘nalishida xalqaro hamkorlikning joriy holati, sohaga investitsiyalarni jalb qilish, turizm sohasida kadrlar tayyorlash kabi yo‘nalishlar bilan yaqindan tanishishdi.
Uchrashuv so‘ngida yosh turizm faollari tomonidan berilgan savollarga javoblar berilib va ularning takliflari tinglandi.
Fargʻona viloyat Turizm boshqarmasi matbuot xizmati
