Farg‘ona shahrida O‘zbekiston mehmonxonalar assotsiatsiyasi GIZ (Germaniya xalqaro hamkorlik vakilligi) bilan hamkorlikda seminar-trening o‘tkazmoqda.

Farg‘ona shahrida O‘zbekiston mehmonxonalar assotsiatsiyasi GIZ (Germaniya xalqaro hamkorlik vakilligi) bilan hamkorlikda seminar-trening o‘tkazmoqda. 14.06.2022 15:55

     Ushbu trening O‘zbekiston Respublikasi Turizm va madaniy meros vazirligining amaliy yordamida tashkillanib, Farg‘ona viloyatida faoliyat yurituvchi mehmonxona, xostel va sanatoriy xodimlari uchun “O‘zbekistonda mehmondo‘stlik sohasidagi sanitariya-gigiyena me‘yorlari” mavzusida o‘tkazilmoqda.

Mashg‘ulotlar quyidagi soha mutaxassislari, professional trenerlar tomonidan olib borilmoqda:

Safoeva Sayera - iqtisod fanlari nomzodi, Toshkent davlat iqtisodiyot universiteti Turizm va servis kafedrasi dotsenti. Yo‘nalishi: Mehmonxona va restoran menejmenti, restoran menejmenti, O‘zbekistonda turizm va milliy meros.

Tashieva Ilmira Medjitovna - Travel Study kompaniyasi direktori va katta o‘qituvchisi. Mehmonxonalar administratorlari va xizmatchilar malakasini oshirish.

Nurmatova Zulfiya Shavkatovna – O‘zbekistonda Turizmni rivojlantirish instituti turizm yo‘nalishi bo‘yicha trener, Toshkent davlat iqtisodiyot universiteti Turizm fakulteti o‘qituvchisi.

O‘zbekiston Respublikasi Prezidenti huzuridagi Davlat boshqaruv akademiyasi bilan hamkorlikda ishlab chiqilgan “O‘zbekiston hududlarida iqtisodiy islohotlar va barqaror iqtisodiy rivojlanishni qo‘llab-quvvatlash” mavzusida turizm sohasini rivojlantirishga qaratilgan maʼruzalar o‘qiladi.

Shuningdek, mehmonxona xo‘jaligi sohasidagi muammolarni hal etish va davlat tomonidan mehmonxona sohasini qo‘llab-quvvatlash hamda o‘zaro hamkorlik qilish maqsadida 2019-yilda nodavlat notijorat tashkilot sifatida tashkillangan O‘zbekiston mehmonxonalar Assotsiatsiyasi O‘zbekistondagi mehmonxona xo‘jaliklarini konsalting va huquqiy qo‘llab-quvvatlash, mehmonxonalarga professional xizmat ko‘rsatuvchi xodimlarni jalb etish va mamlakatda mehmonxonachi kasbini ommalashtiradi.

Farg‘onadagi seminar-treningda viloyatdagi mehmonxona va turizm sohasi muassasalaridan ikki hududiy bosqich va ikki smenada 105 nafar tinglovchi ishtirok etmoqda. Mashg‘ulotlar yakunida tinglovchilar maxsus sertifikatga ega bo‘ladi.

Seminar-trening 18-iyunga qadar davom etadi.