Ushbu tashabbusdan asosiy maqsad vilayatimizning turizm salohiyatini maksimal darajada targ'ib etish va bu yerga tashrif buyuruvchi xorijiy va mahalliy sayyohlarning sonini oshirishga qaratilgan. Info tur ishtirokchilarining birinchi manzili Farg'ona davlat universiteti rektorati binosida tashkil etilgan Qatag'on qurbonlari, universitet faxriylari hamda shahrimizning XIX asr oxiri va XX asr tarixiga bag'ishlab tashkil etilgan universitet muzeyi bo'ldi.
Shuningdek, bu yerda viloyat hokimi o'rinbosari hamda Farg'ona davlat universiteti chet tillari fakulteti Gid hamrohligi va tarjimonlik faoliyati uchinchi kurs talabalar o'rtasida suhbat bo'lib o'tdi. Suhbat davomida talabalar turizm sferasidagi o'zlarini qiziqtirgan savollariga javob oldilar.
Keyingi manzil esa, yaqinda faoliyat boshlagan "Emin hotel" mehmonxonasi bo'ldi.
Info turning navbatdagi manzili Ot sport turlariga ixtisoslashtirilgan bolalar va o'smirlar maktabi bo'ldi. Bu yerda O'zbekiston Respublikasi Milliy gvardiyasi hamda qator tashkilotlar bilan hamkorlikda ot sport turlari namoyishi maydon tomoshalari tashkil etildi.
Kunning ikkinchi qismida, jurnalist va blogerlar Farg'ona tumanida joylashgan "Arichi 1" asalarichilik xo'jaligiga tashrif buyurdilar. Bu yerda xo'jalik rahbari tomonidan master klass bo'lib o'tdi, hamda ushbu xo'jalik misolida viloyatimizning Agroturizm salohiyati namoyish etildi.
So'ngra qatnashchilar Chimyon qishlog'ida joylashgan Huvaydo ziyoratgohiga yo'l oldilar.
Navbatdagi manzil "Ruxsor" teleradio kompaniyasi bo'ldi. Bu yerda tashkil etilgan jonli radio efirda info tur ishtirokchilari o'z fikr mulohazalari bildirdilar.
Info turning so'ngi qismida jurnalist va blogerlar viloyat hokimi o'rinbosari Xurshid Axmedov hamrohligida Farg'ona xalqaro aeroportida Rossiya federatsiyasining Shermetova shahridan Farg'ona shahriga yangi Shermetova-Farg'ona aviareysi birinchi laynerini kutib olishga chiqdilar. Yangi havo liniyasi birinchi qatnovi ekipaji iliq kayfiyat bilan kutib olindi.
