Barchangizni 2024-yilning 25-28-sentabr kunlari Qirgʻiziston Respublikasining Jalolobod shahrida boʻlib oʻtishi kutilayotgan "South Expo-2024" va "Qirgʻiziston Buyuk Ipak Yoʻlida" xalqaro koʻrgazmalarida ishtirok etishga chorlaymiz.
Maʼlumot uchun, mazkur tadbirlar Turkiy davlatlar tashkilotiga aʼzo mamlakatlar Turizm vazirlarining XIX-yigʻilishi doirasida oʻtkazilayotgan boʻlib, mamlakatimizning turizm salohiyatini keng targʻib qilish hamda sayyohlar oqimini oshirish uchun yaxshi imkoniyatdir.
Tadbir doirasida koʻrgazma ishtirokchilari oʻrtasida B2B (tadbirkor bilan tadbirkor) mexanizmi asosida uchrashuvlar tashkil etish, investorlar bilan muzokaralar olib borish va shartnomalar imzolash kutilmoqda.
Turoperatorlar, turagentlar, joylashtirish vositalari va boshqa turizm sohasi vakillarini ushbu xalqaro koʻrgazmalarda ishtirok etishga taklif qilamiz!
Koʻrgazmalarda qatnashish istagida bo‘lganlar qo‘shimcha maʼlumotlar uchun ushbu raqamlarga murojaat etishlari mumkin: +998 73 244-14-74
Farg‘ona viloyat Turizm boshqarmasi matbuot xizmati