Vazir o‘rinbosari Farg‘onada 06.05.2022 06:58O‘zbekiston Respublikasi Prezidenti Administratsiyasi rahbarining 2022 yil 31-martdagi 02-370-son topshirig‘iga asosan hududlarni kompleks rivojlantirish, tadbirkorlikni qo‘llab-quvvatlash va yangi investitsiya loyihalarini amalga oshirish, “mahallabay” tizim orqali aholining turmush sharoitini yaxshilash bo‘yicha ishlar holatini o‘rganish hamda qo‘shimcha chora-tadbirlarni ishlab chiqish topshirilgan. Shu maqsadda 5 may kuni O‘zbekiston Respublikasi Turizm va madaniy meros vaziri o‘rinbosari Nusratilla Zikrillayev Farg‘ona viloyatiga xizmat safari bilan tashrif buyurdi.
Safar davomida N. Zikrillayev Farg‘ona viloyatining bir qancha turistik, hunarmandchilik obyektlari va taʼlim muassasalarida bo‘lib, shu yerlik tadbirkorlar, mahalla faollari va masʼul shaxslar bilan uchrashdi. Ularni qiynayotgan muammolar, mavjud kamchilik va ish jarayonidagi tashkiliy masalalarni o‘rgandi.
Xususan, Farg‘ona tumani Satkak qishlog‘idagi ziyoratgoh va dam olish maskalarida, Marg‘ilon shahridagi Hunarmandchilik markazi va Karvonsaroyda, Marg‘ilon turizm va madaniy meros texnikumida, Rishton tumanidagi bir nechta oilaviy mehmon uylarida, “R Plyus Koron” sopol buyumlar ishlab chiqarish korxonasida hamda Xalqaro kulolchilik markazida bo‘lib, ularni qiynayotgan muammolar bilan yaqindan tanishdi.
Bahodir Hoshimov